النهاردة، الجيل الثالث بقيادة المهندس أسامة أحمد حسن الجلا يواصل البناء على الأسس القوية خلال عمر شركة "الجلا جولد". وبدأ استخدام طرق جديدة زي التكنولوجيا لتسهيل عملية بيع وشراء الذهب من خلال موقعنا الإلكتروني وتطبيق الموبايل. دلوقتي يمكن للعملاء مشاهدة المنتجات المختلفة وطلبها بكل راحة من البيت. و كمان عندنا قنوات متعددة على وسائل التواصل الاجتماعي، زي فيس بوك، انستجرام، يوتيوب، تيك توك، ولينكد إن.

احنا مستمرون في الابتكار، ومواكبة تطورات السوق، وتقديم أفضل المنتجات والخدمات لعملائنا. ومع التغيرات المستمرة في السوق، نهدف إلى مساعدتك في التأقلم وتأمين مستقبلك. الذهب مش مجرد معدن ثمين، لكن استثمار حقيقي يحافظ على قيمته، و كمان بيزيد مع الوقت، ده يخليه الخيار الأمثل للحفاظ على مدخراتك وتنميتها. في "الجلا جولد" بنهتم بفريق العمل لأنهم أساس الشركة زي اهتمامنا الكبير و فخرنا بكل قطعة نصنعها. و لأن تلبية احتياجات عملائنا من أهم أهدافنا، بنقدم مجموعة متنوعة من منتجات الذهب، بما في ذلك العملات الذهبية التي تتراوح من 1/8 جنيه ذهب حتى 5 جنيهات ذهبية، و سبائك بأوزان مختلفة تبدأ من 0.25 جرام حتى 1 كيلو. و كمان عندنا خط إنتاج سلاسل الذهب، متوفرة بمجموعة متنوعة من الأحجام والتصاميم والأوزان، تتصنع بدقة وعناية. الخط ده متاح حصريًا للبيع بالجملة لمحلات بيع المجوهرات. و كل منتجاتنا مختومة من قبل مصلحة دمغ المصوغات والموازين المصرية. احنا موجودين في فرعين. فرع الشركة الرئيسي في شارع المعز، ويخدم عملاء الجملة والتجزئة. أما فرعنا الثاني، في مول شارع 88، بالم هيلز زايد، ويختص حصريًا ببيع السبائك والعملات الذهبية بالتجزئة. و كمان تقدر تشتري منتجاتنا من خلال موزعينا المتواجدين في مختلف المحافظات المصرية، زي القاهرة والإسكندرية وبورسعيد والسويس. شركة "الجلا جولد" عندها علاقات مثمرة على مدار السنين اللي فاتت مع شركات كتيرة سواء المحلية أو العالمية في مختلف القطاعات في مصر زي قطاع السلع الاستهلاكية، والبنوك، وصناعة السيارات، والأجهزة المنزلية، ونقدم لهم منتجات ذهبية تناسب احتياجات شركاتهم. الجلا جولد مش مجرد شركة، لكن هي عائلة تأسست بتاريخ من الحب والثقة، وانتقلت عبر الأجيال من الأب إلى الابن إلى الحفيد. نعمل للحفاظ على إرث حسن الجلا وتطويره. موظفينا هم جزء من عائلتنا الممتدة و منهم يعمل في الشركة منذ أكثر من ٤٠ سنة، وكانوا دايمًا جزء من رحلة الشركة ونموها. كل قطعة ذهب نلمسها تحكي قصتنا، وتضمن تاريخنا يستمر لأجيال كتير جايه. ننظر إلى المستقبل بنفس القيم والمبادئ اللي بدأنا بيها، هدفنا هو تقديم قطع من الذهب تحمل جزءًا من تاريخنا، إلى عملائنا. حتى تستمر الرحلة، ويبقى اسم "الجلّا جولد"، زي ما وعدناكم دائمًا، رمزًا للثقة.